पर्यटन व्यवसायीबीच चुनावी चहलपहल

गोरखापत्र समाचारदाता

काठमाडौँ, जेठ २२ गते । ठमेलक्षेत्रका पर्यटन व्यवसायीहरूलाई ठमेल पर्यटन विकास परिषद्लाई चुनाव लागेको छ । यही जेठ २५ गते शनिवार साधारणसभाबाट परिषद्मा नयाँ नेतृत्व चयन हुने छ ।
पर्यटक आगमनमा विस्तारै कम हँुदै(अफ सिजन) गएपछि फुर्सदिला बनेका ठमेलका पर्यटन व्यवसायीहरूले छुट्टाछ्ट्टै प्यानल बनाई परिषद् नेतृत्वका लागि चुनावको तयारी गरेका छन् । सहमतिका आधारमा नेतृत्व छनोट नभएमा चुनाव गराउने तयारी भइरहेको छ ।
परिष्दका पूर्वअध्यक्ष रामशरण थपलियाले अधिकांशले सहमतिकै आधारमा नेतृत्व छनौट गर्नु पर्छ भन्ने चाहना राखेपनि उम्मेदवाराहरूभन्दा उम्मेदवार बन्न लगाउने ब्यक्तिहरूबीच सहमत हुन नसकेपछि चुनाव बाहेक अन्य विकल्प नभएको बताउनुभयो ।
परिषद्को नयाँ नेतृत्व लिन पर्यटन व्यवसायी प्रकाशनरसिंह राणा, अर्जुनलाल प्रधान र भविश्वर शर्माको नाम सार्वजनिक भएको छ । राणाले भने मंगलवार औपचारिक कार्यक्रमको आयोजना गरी परिषद्को नेतृत्व लिन आफू तयार भएको जानकारी दिनुभयो । उहाँले ठमेलको पर्यटन विकास, फोहर व्यवस्थापन, ढल निकास, सवारी साधन निषेधित क्षेत्र घोषणा लगायत सुधारका कार्यक्रमको वारेमा जानकारी दिनुभयो ।
त्यस्तैं, अर्का दुई उम्मेदवार प्रधान र शर्माले भने औपचारिक कार्यक्रमको आयोजना गरी उम्मेदवारी घोषणा गर्नुभएको छैन । शर्माले भन्नुभयो, उम्मेदवारीका विषयमा छलफल हँुदैछ अव केही दिनमा नै घोषणा हुन्छ ।’ परिषद्को नयाँ कार्यसमिति १७ सदस्यीय हुनेछ ।

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds