मनै लोभ्याउने थोले देम्बा

 चक्र कार्की

‘म सानो छँदा घर मास्तिरको अग्लो डॉडो सगरमाथाजस्तै चुचुरो लाग्थ्यो । त्यो बेला म निकै सानो थिएँ । त्यो अग्लो पहाडको चुचुरोमा कसरी पुग्ने होला भन्ने बाल कुतूहलता जाग्थ्यो । बिहान र बेलुका मेले गुम्बाबाट सधैँ देखिने अग्लो डॉडो सगरमाथा नभएर थोले देम्बा पो हो भन्ने पछि मात्रै थाहा पाए‘ ।’
छ पटक सर्वोच्च शिखर सगरमाथा आरोहण गरिसक्नुभएका आरोही लाक्पा शेर्पाले थोले देम्बाबारे यसरी बताउनुभयो । घरै मास्तिरको अग्लो पाखोबाट मनोरम दृश्य हेर्न चौँरी धपाउ‘दै पुगेको अस्तिजस्तो लाग्छ, लाक्पाले नोस्टाल्जिक हुँदै भन्नुभयो । हामी रमाइला र साहसिक गफ गर्दै थोले देम्बा उक्लँदै थियौँ । मेले गुम्बाबाट थोले देम्बा बॉसजस्तै सुरिलो देखिन्छ । ठाडोमुन्टो लगाएर माथि हेर्दा शिरको टोपी खस्ने टाकुरो । थोले देम्बा शिखरमा पुगेर चारैतिर ऑखा डुलाएर हेर्न थालेपछि मनै फुरुङ्ग हुन्छ । यो अग्लो टाकुरोमा उक्लिएर होचो भूगोल हेर्नुको मज्जा नै बेग्लै हुन्छ, सगरमाथाबाट नेपालतिर र तिब्बततिर हेरेजस्तो देखिन्छ, आरोही तथा ख्यातिप्राप्त माउन्टेन गाइड लाक्पाले थोले देम्बालाई शब्दले सिँगार्दै भन्नुभयो ।
ओखलढुङ्गा जिल्लाको पश्चिम–उत्तरमा रहेको थोले देम्बा जिल्लाकै आकर्षक र अग्लो पर्यटकीय गन्तव्य हो । जहॉबाट मौसम सफा भएको बेला सर्वोच्च शिखर सगरमाथा, मकालु, नुम्बुर, अन्नपूर्ण हिमाल र नाकैअगाडि गौरीशङ्कर हिमाल देखिन्छ । ऑखाले धीत मरुञ्जेल चारैतिर हिमाल हेर्नलाई थोले देम्बा नवीन पदमार्ग हो । थोले देम्बा पदमार्गमा पर्यटकहरूको भीड लाग्न थालिसकेको छैन । विदेशीभन्दा स्वदेशी नै बढी भेटिन्छन् । त्यसमा पनि स्थानीयहरू नै ज्यादा भेटिन्छन् । पदयात्राको वास्तविक मज्जा लिने भए यस्ता नवीन पदमार्गलाई रोज्दा राम्रो हुन्छ । स्थानीयको स्वागतयोग्य संस्कार र ह‘सिलो मुहारले सबैलाई मन्त्रमुग्ध पार्छ । भर्खरै मात्र यो पदमार्गको प्रचार–प्रसार गर्नलाई स्थानीयवासी तातेका छन् । गतवर्ष स्थानीयवासीकै अग्रसरतामा ‘प्रथम थोले देम्बा महोत्सव’को आयोजना गरिएको थियो । त्यसले देशभित्र र बाहिरसमेत हाम्रो अग्लो डॉडो थोले देम्बा चिनाउने प्रयास थालेको छ, स्थानीयवासी सगरमाथा आरोही ग्याल्जेन शेर्पाले भन्नुभयो ।
थोले देम्बाबाट हिमाली दृश्य ऑखाले हेर्ने र क्यामेराले कैद गर्ने मात्र नभएर ल्याण्डस्केपले पनि मोहित पार्ने दृश्यहरू देखिन्छन् । कलकल गर्दै बग्ने लिखुनदी र लिखु किनारका फाँटले झनै सिँगारिएको छ । सांस्कृतिक विविधता, भौगोलिक विविधता र जैविक विविधताले भरिएको थोले देम्बा पदमार्ग पर्यटकका लागि नौलो गन्तव्य हो । यहाँ वसन्त ऋतुमा ४०÷५० थरीका लालीगुरॉस फुल्छन् । थोले देम्बाको नागीभरि चरिरहेका चौँरीको लस्कर देख्दा लाग्छ, कुनै चौँरी फार्ममा पो आएको छु कि जस्तो लाग्छ । चौँरीको लर्को र लालीगुरॉस वनैभरि फुलेको देख्दा मनै बहलाउँछ । थोले देम्बाले राजधानीछेउमै रहेको नगरकोटलाई बिर्साउने सामथ्र्य राखेको छ । हिउ‘ परेको बेला स्कीको बलियो सम्भावना पनि उत्तिकै छ । स्की खेल्न युरोपतिर होइन, थोले देम्बातिर हान्निए हुन्छ । demba
तीन हजार चार सय मिटर अग्लो थोले देम्बा फिल्म सुटिङका लागि पनि उत्कृष्ट स्थल हुनसक्छ । मनोरम हिमालले मनै लोभ्याउनेछ भने सुनुवार, गुरुङ, तामाङ, शेर्पा, क्षेत्री, बाहुनको मिश्रित संस्कृतिले विविधता देखाउ‘छ । हाम्रा पुर्खाले चौँरी चराउन आउने थलो आकर्षक पर्यटकीय मार्ग भएको देख्दा निकै खुशी लाग्छ, लाक्पाले आफूमा जागृत भाव व्यक्त गर्नुभयो ।
थोले देम्बाको नागीमा डॉफे नाचेको र मृग दौडेको देख्दा लाग्छ, धर्तीका भाग्यमानी भनेका हामी नै हौँ । हो, यही थोले देम्बाले हामी सबैलाई घुम्न निम्ता दिएको छ, केवल हाम्रो समय, खर्च र इच्छाशक्तिको खॉचो छ ।
यस क्षेत्रका धूपी, सुर्के गुम्बा, मेले गुम्बा, किंमुर्दिङ गुम्बा, चुप्लु भञ्ज्याङ, घुम्नका लागि मनोरम ठाउ‘ हुन् । पर्यटन व्यवसायी आङपासाङ शेर्पाको पहलमा चुप्लु भञ्ज्याङमा जिल्लाकै ठूलो स्तुपा निर्माण भएको छ । शेर्पाकै सक्रियतामा लामो माने पनि बनेको छ । पिके एभरेष्ट भ्यू टे«कका सञ्चालक पासाङले सन् २००८ देखि विदेशी पर्यटकलाई पोकली झर्ना हु“दै थोले देम्बा र चुप्लु भञ्ज्याङसम्म घुमाउन थालनी गरेका हुन् । आन्तरिक तथा बाह्य पर्यटकलाई स्थानीय स्तरका होटल तथा घरबासको व्यवस्था छ । यहॉबाट पिके पिक पदयात्रामा पनि जान सकिन्छ । लामाजुरा पास भएर सोलुखुम्बुको जुनबेँसी हु‘दै सगरमाथा आधार शिविर वा सल्लेरी भएर काठमाडौँ फर्किन सकिन्छ । थोले देम्बा जानलाई राजधानीबाट मध्यपहाडी राजमार्ग हु‘दै खुर्कोटबाट रामेछाप मन्थली, श्रीरीसे भएर बसमा फलाँटेबजारसम्म बस तथा बलेरो पाइन्छ ।
फलाँटेबजारमा बास बसेर अर्को दिन थोले देम्बा उक्लिन सकिन्छ । समय भए फलाँटेबजार र मेले गुम्बा यात्रा गरेर भोलिपल्ट जान सजिलो हुन्छ । थकाइ र स्थानीय संस्कृतिको मज्जा लिएर नाम्चे बराबरको उचाइ उक्लँदा थप साहस र ऑट मिल्छ । श्रीरीसेबाट पोकली झर्ना हेरेर लेतीको बाटो भएर थोले पुगे पनि हुन्छ । जिरीको बाटो भएर रामेछापको भण्डारबाट सोलुको गोलीबाट रावादोलु भुर्सिंगाबाट थोले देम्बा पुग्न सकिन्छ । उता युगकवि सिद्धिचरण श्रेष्ठको कविता ‘मेरो प्यारो ओखलढुङ्गा’लाई छोएर रमाइलो हेर्दै जाने भए पनि बाटो छ । ओखलढुङ्गाको ओखल हेरेर अनि रमाइलो डॉडोमा एक रात बसेर ठाडेको चिसो खाएर झन्तर धापको तेर्सो हुँदै थोले देम्बा पुगिन्छ । साउन महिनामा थोलेमा याजाङ मेला लाग्छ, जहॉ स्थानीयले प्रकृतिको पूजा गर्छन् । बालीनाली सप्रियोस्, बस्तुभाउलाई रोग नलागोस् र सबै गाउ‘लेको भलो होस् भन्दै प्रकृतिको पूजा गर्ने प्रचलन छ ।
नयॉ पदमार्गलाई नेपाल पर्यटक बोर्डले प्रवद्र्धन र मार्केटिङका लागि ध्यान दिनुपर्छ । चल्तीका पदमार्गलाई मात्र अगाडि बढाएर हुँदैन । ट्रेकिङ एजेन्सीहरूले पनि यस्ता नयॉ गन्तव्यलाई प्रवद्र्धन गर्दा पर्यटकहरू बढी खुशी हुन्छन् । नेपाल पर्यटन बोर्डले नया“ गन्तव्यलाई प्रचार–प्रसार र प्रवद्र्धन गर्न सक्नुपर्छ । नेपाल पर्यटन बोर्डका पदाधिकारीहरू विदेश भ्रमणका लागि सधैँ खुट्टा उचालिरहने प्रवृत्तिलाई त्यागेर स्वदेशी गन्तव्यहरूको पहिचान र प्रवद्र्धन गर्नु जरुरी छ ।
भर्खरै सुरु भएको पदमार्ग हो थोले देम्बा । त्यसैले यहॉ स्तरीय होटलहरू भने कमै छन् । बस्नलाई स्थानीयका घर तथा होम–स्टे र सामान्य खालका होटल छन् । स्थानीयको स्वागत र सत्कार भने भुल्न नसकिने खालको छ । घरदैलोमा आएका पाहुनालाई मनैदेखि स्वागत–सत्कार गरेको प्रष्ट थाहा हुन्छ । खल्तीमा १०÷१२ हजार बोकेर हिँडियो भने थोले देम्बा घुमेर यात्राको रमाइलो बटुल्न सकिन्छ ।

 

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds