गोरखापत्र अनलाइन
बजेटले किसान उत्साहित
सङ्घीय सरकारको तर्फबाट अर्थमन्त्री डा. प्रकाशशरण महतले प्रस्तुत गर्नुभएको आर्थिक वर्ष २०८०/८१ को बजेटमा मधेश प्रदेशका धेरैजसो विषयवस्तु समावेश भएको बुद्धिजीवीहरूको प्रतिक्रिया छ। कृषि क्षेत्रलाई प्राथमिकतामा राखेर ‘उत्पादन साथमा र अनुदान हातमा’ भन्ने नाराकासाथ किसानलाई उत्पादनको आधारमा दिने अनुदानले मधेश
मातृशिशु मृत्युदर शून्य
सिद्धिचरण नगरपालिका, ओखलढुङ्गाको तथ्याङ्क अनुसार मातृ तथा नवजात शिशु मुत्युदर शून्य रहेको छ। मातृ तथा नवजात शिशुको अकालमै मृत्यु हुन नदिन नगरपालिकाले सुरक्षित मातृत्व कार्यक्रम सञ्चालन गरेको छ।
‘बजेट राम्रो तर कार्यान्वयनमा चुनौती’
आर्थिक वर्ष २०८०/८१ का लागि अर्थमन्त्री डा प्रकाशशरण महतले प्रस्तुत गर्नुभएको बजेटप्रति बाँकेका उद्योगी व्यवसायीले सकारात्मक प्रतिक्रिया दिँदै कार्यान्वयनमा चुनौती र शङ्का व्यक्त गरेका छन् । जिल्लाका अधिकांश उद्योगी व्यवसायीले आर्थिक सङ्कटको समयमा आएको यो बजेटले कागजमा देशको अर्थतन्त्रलाई चलायमान बनाउन प्रयास गरेको देखिए पनि कार्यान्वयन निकै चुनौतीपूर्ण रहेकाले कार्यान्वयनमा शङ्का व्यक्त गरेका हुन् ।
भिन डिजेलले टिकाएको ‘फास्ट एक्स’
डराउनु नराम्रो कुरा होइन, किनकि डरले मान्छेलाई धेरै कुरा सिकाउँछ । हलिउड चलचित्र ‘फास्ट एक्स’ का नायक भिन डिजेलले आफ्नो किशोर छोरालाई जीवनको यो पाठ सिकाउँदै छन्, जुन पाठ छिट्टै आफ्ना लागि पनि काम लाग्ने छ भन्ने उनलाई थाहा थिएन । हलिउडको सुपरहिट फ्रेन्चाइज ‘फास्ट एन्ड फ्युरियस’ दमदार एक्सन दृश्यका लागि प्रसिद्ध छ ।
भ्रष्टाचारी प्रवृत्तिको कथा नीरफूल
अभिनेता दयाहाङ राईले आफूलाई मनपर्ने चलचित्र ‘नीरफूल’ रहेको बताउनुभएको छ । काठमाडौँमा आयोजित पत्रकार सम्मेलनमा बोल्दै राईले आफूले अभिनय गरेको र हलमा सफल रूपमा चलिरहेको ‘जारी’ जस्तै गरी ‘नीरफूल’ पनि मन परेको बताउनुभयो । उहाँले भन्नुभयो, “यो चलचित्र खिच्न गणेश हिमालमुनिको रुवी भ्यालीमा हामी धेरै मुस्किलले पुगेका थियौँ । मेहनत पनि राम्रै गरेका छौँ । मैले अभिनय गरेको राम्रा चलचित्रमध्ये यो पनि एक हुने छ ।”
आर्थिक वृद्धिको लक्ष्य महत्त्वाकाङ्क्षी : चेम्बर
नेपाल चम्बर अफ कमर्सले आगामी आर्थिक वर्षको बजेट कार्यन्वयन चुनौतीपूर्ण रहेको जनाएको छ । आव २०८०/८१ का लागि सरकारले ल्याएको १७ खर्ब ५१ अर्व ३१ करोड रुपियाँको बजेटको स्रोत सुनिश्चितता र आर्थिक वृद्धिको लक्ष्य प्राप्ति चुनौतीपूर्ण र महत्त्वाकाङ्क्षी रहेको जनाएको छ ।
मेलम्चीको संरचना मर्मतमा ढिलाइ
हेलम्बुको भे्रमाथाङ पहाड सोरिएर आएको मेलम्ची बाढीले क्षतिग्रस्त मेलम्ची खानेपानी आयोजनाको बाँध, अडिट सुरुङ, हेडवक्र्स, पुल, प्रवेश मार्ग र अन्य भौतिक संरचना पुनर्निर्माण वा मर्मतका काम अघि बढ्न सकेको छैन। बाढीले क्षति पु-याएको अम्बाथानस्थित खानेपानी आयोजनाको भौतिक संरचनाको काम नहुँदा काठमाडौँ उपत्यकामा पानी लैजान अवरोध सिर्जना हुने देखिएको छ। दुई वर्षअघि असार १ गते यहाँ पहिरो आएको थियो। वर्षामा राजधानीमा पानी लैजान समस्या हुने भएको हो।
आकर्षक गन्तव्य बिसहजारी ताल
पूर्वपश्चिम राजमार्ग अन्तर्गत चितवनको टिकौलीदेखि छ किलोमिटर दूरीमा रहेको विश्व रामसार सूचीमा सूचीकृत सिमसारको अपूर्व नमुना हो बिसहजारी ताल। चितवन राष्ट्रिय निकुञ्जको मध्यवर्ती क्षेत्रमा पर्ने यो क्षेत्र ताल, सिमसार क्षेत्र र सालको घनाजङ्गलबिच पाँच हजार ७८१ हेक्टर क्षेत्रफलमा फैलिएको छ।
बजेटमा बागमती, लगानीमैत्री आएको छ : निजी क्षेत्र
चालु आर्थिक वर्षमा सुरु गर्ने भनिएको र सम्पन्न गर्ने भनिएका योजनासमेत आगामी आर्थिक वर्षको बजेटमा समेटिएका छन्। अर्थमन्त्री डा प्रकाशशरण महतले सङ्घीय संसद्को संयुक्त बैठकमा सोमबार प्रस्तुत गर्नुभएको आव २०८०/८१ बजेटमा चालु आर्थिक वर्षको बजेटमा कार्यान्वयन गर्ने भनिएका अधिकांश योजनाले निरन्तरता पाएका हुन्।
निर्जला एकादशी: घर घरमा तुलसीको दल राखिँदै
वैदिक सनातन धर्मावलम्बीले आज आ–आफ्नो घरको मठमा तुलसीको दल राख्दै छन् । प्रत्येक वर्ष ज्येष्ठ शुक्ल एकादशीका दिन घरघरमा तुलसीको दल राख्ने गरिन्छ ।
अचम्मको संस्कृति: आगो पुज्न २२ गाउँका दरै एकै ठाउँ
ठुलो जमघटका साथ आगोको पूजा गरिन्छ भन्दा जो कोहीलाई पत्यार नलाग्न सक्छ, तर तनहुँका दरै समुदायमा भने आगोको पूजा गर्ने अचम्मको संस्कृति कायम छ ।
नेपालमा उत्पादित तेल महँगो हुने
नेपालका तेल उत्पादन उद्योगीहरूले कच्चा तेल (क्रुड आयल) को भन्सार वृद्धि गरेसँगै नेपालमा उत्पादित सबै प्रकारका प्रशोधित तेल महँगो हुने बताएका छन् । अर्थमन्त्री डा प्रकाशशरण महतले सोमबार प्रस्तुत बजेटमा कच्चा तेलको भन्सार १० प्रतिशत पु-याउने निर्णयसँगै नेपालमा उत्पादित प्रशोधित तेलको भाउ महँगो हुने भएको हो । नेपाल वनस्पति घिउ तेल उत्पादक सङ्घका अध्यक्ष सन्दीप अग्रवालले सरकारको बजेटबाट स्वदेशमा सञ्चालित
इन्धन भण्डारण गृहको क्षमता बढाइँदै
सरकारले न्यूनतम तीन महिनाको पेट्रोलियम पदार्थको मागलाई धान्न सक्ने गरी भण्डारण क्षमता वृद्धि गरिने भएको छ । आगामी आर्थिक वर्षको बजेटमार्फत सरकारले तीन महिनालाई थान्न सक्ने क्षमताको इन्धन भण्डारण गृह निर्माण गर्न लागेको हो । नेपाल आयल निगमसँग हाल इन्धनको भण्डारण क्षमता न्यून रहेकाले बजारमा आपूर्ति व्यवस्था सहज पार्न भण्डारण क्षमता वृद्धि गरिने बजेटमा उल्लेख गरेको छ । हाल निगमसँग ७१ हजार किलोलिटर इन्धन भण्डारण क्षमता रहेको छ । जसमा १० देखि १५ प्रतिशत प्रतिशत इन्धन प्राविधिक रूपमा राख्न नमिल्ने निगमले जनाएको छ ।
नागरिकता विधेयकबारे छलफल
मन्त्रीपरिषद् बैठकमा नागरिकता विधेयक प्रमाणीकरण विषयमा छलफल भएको छ। सरकारका प्रवक्ता एवं सञ्चार तथा सूचना प्रविधिमन्त्री रेखा शर्माले मङ्गलबारको मन्त्रीपरिषद् बैठकमा नागरिकता विधेयकमाथि पनि सामान्य छलफल भएको बताउनुभयो। उहाँले भन्नुभयो, “मन्त्रीपरिषद् बैठकमा नागरिकता विधेयकको विषय पनि प्रवेश भएको थियो। राष्ट्रपतिज्यूले संविधानभित्र रहेर, संविधानको अधिकार प्रयोग गरेर प्रमाणीकरण हुन्छ भन्ने हाम्रो विश्वास हो।”
खप्तडको महिमा उजागर गर्न आध्यात्मिक सम्मेलन
भूस्वर्गका नामले परिचित सुदूरपश्चिमको प्रमुख पर्यटकीय भूमि खप्तडमा आध्यात्मिक सम्मेलनको आयोजना हुने भएको छ । सम्मेलन जेठ २३ देखि २५ गतेसम्म आयोजना हुने छ ।
