डोटीको बडीकेदार गाउँपालिकामा कांग्रेसका साउद विजयी
डोटीको बडीकेदार गाउँपालिकामा नेपाली कांग्रेस विजयी भएको छ । गाउँपालिका अध्यक्ष, उपाध्यक्ष सहित दुई वटा वडामा कांग्रेसका उम्मेदवार विजयी हुनुभएको हो ।नेपाली कांग्रेसका उम्मेदवार भैरब बहादुर साउद २ हजार ३ सय ४३ मत सहित गाउँपालिका अध्यक्षमा विजयी हुनुभएको हो ।
सुरक्षामा उच्च सतर्कता
भारतका प्रधानमन्त्री नरेन्द्र दामोदरदास मोदीको नेपाल भ्रमणका समयमा सुरक्षा व्यवस्थामा उच्च सतर्कता अपनाइएको छ । प्रधानमन्त्री शेरबहादुर देउवाको निमन्त्रणामा यही जेठ २ गते बुद्ध पूर्णिमाको दिन लुम्बिनीमा हुने भव्य समारोहमा सरिक हुन भारतका प्रधानमन्त्री मोदी नेपाल भ्रमणमा आउन लाग्नुभएको छ । यो भ्रमणलाई महìवका साथ हेरिएको छ ।
लुम्बिनी भ्रमणका आयाम
प्रधानमन्त्री शेरबहादुर देउवाको निमन्त्रणामा भारतीय प्रधानमन्त्री नरेन्द्र मोदीले जेठ २ गते लुम्बिनीको भ्रमण गर्दै हुनुहुन्छ । प्रधानमन्त्रीका रूपमा मोदीको यो पहिलो लुम्बिनी भ्रमण हो । भारतकै अग्रसरतामा भएको प्रधानमन्त्री देउवाको भ्रमणको केही समयभित्रै मोदीको नेपाल आगमनलाई सकारात्मक सन्देशका रूपमा लिनुपर्छ । यसले प्रधानमन्त्री देउवाको भ्रमणका क्रममा भएका आपसी समझदारी कार्यान्वयन हुने विश्वास चुलिएकोे छ ।
झारल र नाउरको सिकार
विभिन्न मुलुकका सिकारीले यस पटक नेपालमा १० वटा नाउर र झारलको सिकार गरेका छन् । सिकार गर्ने उद्देश्यसाथ स्थापना भएको नेपालको ढोरपाटन सिकार आरक्षमा सिकारीहरूले अनुमति लिएर सिकार गरेका हुन् । कानुनले नेपाली नागरिकलाई सिकार गर्न सक्ने व्यवस्था गरे पनि निकै खर्चिलो हुने हुँदा हालसम्म नेपालीले सिकार भने गरेको रेकर्ड छैन ।
वीरगञ्ज महानगरमा गठबन्धनका उम्मेदवार सिंहको अग्रता
मधेस प्रदेशको एक मात्र महानगरपालिका पर्साको वीरगञ्ज महानगरपालिकाको प्रारम्भिक मतगणनाअनुसार प्रमुख पदमा पाँच दलीय सत्ता गठबन्धनका उम्मेदवार राजेशमान सिंहले ७५ मतसहित सुरुआती अग्रता कायम गर्नुभएको छ।
प्रधानमन्त्री देउवाको गाउँपालिका अध्यक्षमा कांग्रेस विजयी
प्रधानमन्त्री एवम् नेपाली कांग्रेस सभापति शेरबहादुर देउवाको गाउँपालिक अध्यक्षमा नेपाली कांग्रेस विजयी भएको छ।
इन्धनको मूल्य बढ्यो : पेट्रोल १७० पुग्यो
काठमाडौं, वैशाख ३१ गते । नेपाल आयल निगमले शनिबार राति १२ बजेदेखि लागू हुने गरी पेट्रोलिम पदार्थको मूल्य फेरि बढाएको छ । अन्तर्राष्ट्रिय बजारमा प्रशोधित तेलको मूल्य बढ्दै गएको भन्दै निगमले पेट्रोल, डिजेल र मट्टितेलमा साबिकको खुद्रा बिक्री मूल्यमा प्रतिलिटर १० रुपियाँले बढाएको हो । जसअनुसार निगमको डिपो परिसरबाट १५ किलोमिटरसम्ममा पेट्रोल, डिजेल र मट्टिलेतको मूल्य क्रमशः १७० र १५३/१५३ कायम गरिएको छ । एलपी ग्यास र हवाई इन्धनको मूल्य भने हाललाई यथावत् राखिएको छ ।निगमले शनिबार जारी गरेको विज्ञप्तिमा नयाँ खरिद लागत मूल्यअनुसार प्रतिलिटर पेट्रोलमा रु २३ रुपियाँ २ पैसा, डिजेलमा ४०रुपियाँ १३ पैसा घाटा रहेको तर मट्टितेलमा २ रुपियाँ ८१ पैसा नाफा रहेको जनाइएको छ । हवाई इन्धनमा आन्तरिकतर्फ १२ रुपियाँ ६४ पैसा र बाह्यतर्फ ६४ रुपियाँ ६९ पैसा नाफा रहेको तर ग्यासमा प्रतिसिलिन्डर एक हजार ५० रुपियाँ ८ पैसा घाटा रहेको जनाइएको छ । निगमलाई १५ दिनमा करिब पाँच अर्ब १९ करोड अझै घाटा रहेको विज्ञप्तिमा उल्लेख गरेको छ ।
ललितपुर महानगरमा चिरीबाबु महर्जनको अग्रता
ललितपुर महानगरपालिकामा ४०० मत गणना हुँदा नेपाली कांग्रेसका चिरीबाबु महर्जनको अग्रता रहेको छ।
काठमाडौं महानगरमा शाह अगाडि : स्थापित र सिंह पछाडि
काठमाडौं महानगरपालिका प्रमुखमा स्वतन्त्र उम्मेदवार बालेन शाह ४०२ मतसहित पहिलो स्थानमा हुनुहुन्छ।
भरतपुर महानगरपालिकामा दाहालको अग्रता
भरतपुर महानगरपालिकामा पाँच दलीय गठबन्धनले अग्रता पाएको छ।
वीरगञ्ज महानगरपालिकाको मतगणना
मधेस प्रदेशको एक मात्र वीरगञ्ज महानगरपालिकाको मतगणना शनिबार दिउँसो सुरु भएको छ ।
पोखरा महानगरको मतगणना
थानीय तह सदस्य निर्वाचनअन्तर्गत पोखरा महानगरपालिकामा मतगणना सुरु भएको छ । पोखरा महानगरमा शनिबार अपराह्न ४ः१५ बजेदेखि मतगणना सुरु भएको हो ।
काठमाडौं महानगरको मतगणना (फोटो फिचर)
काठमाडौं महानगरपालिकाको प्रारम्भिक मतगणनामा स्वतन्त्र उम्मेदवार अगाडि देखिएका छन्।
डोटीमा एमालेको आधार इलाकामा कांग्रेसका उम्मेदवार विजयी
डोटीमा नेपाली कांग्रेसले विजयी सुरुवात गरेको छ । जिल्लाको आदर्श गाउँपालिका वडा नं. ७ को वडाध्यक्षमा नेपाली कांग्रेसका उम्मेदवार लाल बहादुर विष्ट प्यानल सहित विजयी हुनुभएको हो । विष्ट ३३६ मत ल्याएर वडाध्यक्षमा निर्वाचत हुनुभएको छ । उहाँका निकटम प्रतिद्वन्द्वी नेकपा एमालेका उम्मेदवार वीर बहादुर विष्टले २९८ मत मात्रै प्राप्त गर्नुभएको छ ।
मुस्ताङकाे एमाले किल्लामा कांग्रेस र कांग्रेस गढमा एमाले विजयी
हिमालपारीको जिल्ला मुस्ताङमा नेकपा एमाले दुई र नेपाली काँग्रेसले एक स्थानीय तहको प्रमुख र उपप्रमुख जितेका छन् । अघिल्लो स्थानिय तहको निर्वाचनमा नेकपा एमालेले जितेको सदरमुकाम रहेको घरपझोङ गाउँपालिकामा नेपाली कांग्रेसले बाजी मारेको छ भने बाह्रगुङ मुक्तीक्षेत्र गाउँपालिकामा कांग्रेसलाई हराउँदै एमालेले प्रवेश गरेको छ ।
मानेभञ्ज्याङ्ग–१ कांग्रेस र खिजिदेम्बा –१ वडामा जसपा प्यानल विजयी
ओखलढुङ्गाको मानेभञ्ज्याङ्ग गाउँपालिका एकमा नेपाली कांग्रेस र खिजिदेम्बा गाउँपालिका एक वडामा जनता समाजवादी पार्टीको प्यानल विजयी हुनुभएको छ । मानेभञ्ज्याङ्ग–१ मा काँग्रेस तर्फका राजकुमार रुम्दाली र खिजिदेम्बा–१ मा जसपा तर्फका वडा अध्यक्षका उम्मेदवार कुमार सुनुवारको प्यानल विजयी हुनुभएको हो ।
विराटनगर महागरपालिकामा कांग्रेसको अग्रता
प्रदेश नं १ को एकमात्र महानगरपालिकाको रुपमा रहेको विराटनगर महानगरपालिको मेयर पदमा सत्ता गठवन्धनका नागेश कोइरालाले कांग्रेसले अग्रता लिनुभएको छ । कांग्रेसबाट मेयर पदका उम्मेदवार कोइरालाले २ सय ६९ मत ल्याएर पहिलो स्थानमा हुनुहुन्छ । नेकपा एमालेका मेयर पदका उमेदवार सागरकुमार थापाले १ सय ८१ मत ल्याएर दोस्रो स्थानमा हुनुहन्छ ।
लिमीका मत पेटिका आइतबार मात्र ढुवानी हुने
नाम्खा गाउँपालिका–६को हिमालपारीको गाउँ लिमीका मतपेटिका आइतबार मात्र हेलिकोप्टरबाट ढुवानी हुने भएका छन् । मतदान कार्य वैशाख ३० गते शुक्रबार नै सम्पन्न भए पनि शनिवार हेलिकोप्टरको ब्यवस्था हुन नसकेपछि आईतबार मात्र लिमीका मतपत्र ढुवानी हुने भएका हुन् ।
-original-thumb.jpg)
दाङमा नेपाली काँग्रेसकाे विजयी सुरुवात
दाङमा नेपाली काँग्रेसले विजयी सुरुवात गरेको छ । दंगीशरण गाउँपालिका वडा नं. १ मा नेपाली काँग्रेसबाट उम्मेदवार बन्नुभएका रमेश भण्डारीसहित उहाँको प्यानल विजयी भएको हो ।
भरतपुर महानगरमा मतगणना सुरु
भरतपुर महानगरपालिकाको मतगणना सुरु भएको छ ।शनिबार मध्याह्नदेखि महानगरको वडा नम्बर १ को रामनगर मावि र आदिकवि भानु माविको केन्द्रबाट मतगणना सुरु भएको हो ।
कांग्रेस गाउँपालिका अध्यक्ष उम्मेदवारकै वडामा माओवादी प्यानल विजयी
कुमाख गाउँपालिका वडा नं. १ मा माओवादी केन्द्रका डिल्ली राना विजयी हुनु भएको छ । रानाले ६०८ मत प्राप्त गर्नुभएको छ भने भने उहाँका निकटतम प्रतिद्वन्द्वी कांग्रेस–एमाले गठबन्धनको तर्फबाट कांग्रेस उम्मेदवार प्रेमबहादुर बुढाथोकीले ४८० मत प्राप्त गर्नुभएको हो ।
मनाङ ङिस्याङमा एमालेका कान्छा घले विजयी
मनाङको मनाङ ङिस्याङ गाउँपालिकामा नेकपा (एमाले) का उम्मेदवार कान्छा घले विजयी हुनु भएको छ ।
प्रधानमन्त्री देउवाको गाउँकाे एक वडामा काँग्रेसका अध्यक्ष प्यानल विजयी
नेपाली काँग्रेस सभापति एवं प्रधानमन्त्री शेरबहादुर देउवाले मतदान गरेको पालिका गन्यापधुरा गाउँपालिका–४ मा नेपाली काँग्रेसका वडा अध्यक्षका उम्मेदवार नरेन्द्र भट्ट प्यानल सहित बिजयी हुनु भएको छ ।
निर्वाचन सम्पन्न गर्न खटिने सबैलाई धन्यवाद: गृहमन्त्री खाण
गृहमन्त्री बालकृष्ण खाणले सीमित स्रोत र साधन उपयोग गरी पूर्ण दृढता र प्रतिबद्धतासाथ एकै पटक मुलुकभर स्थानीय तह निर्वाचन सम्पन्न गरेकोमा सरोकारवाला निकायका प्रमुखहरूलाई धन्यवाद दिनुभएको छ ।
सम्बन्धविच्छेदका कानुन
संसारमा धेरै नाम चलेका व्यापारी, खेलाडी, कलाकार, राजनीतिज्ञहरूको सम्बन्धविच्छेद भएको समाचार पढ्दै र सुन्दै आएका छौँ । एकथरी मानिस विवाहपछि हुने विभिन्न झन्झट तथा जिम्मेदारीबाट परै बस्न विवाह नै गर्दैनन् । विवाहपछि पनि सम्बन्धविच्छेदमा लाग्ने खर्च, बालबच्चाको हेरचाहमा लाग्ने खर्च यावत् कारणले बाँकी जीवन जसोतसो सँगै बिताउन बाध्य हुनेहरू पनि छन् । केही त सबैखाले सम्पर्क माध्यम बन्द गरेर कसैले थाहा नपाउने ठाउँमा एक्लो जीवन बिताउनेहरू पनि भेटिन्छन् ।
