असी करोड राजस्व सङ्कलन
मकवानपुरको हेटौँडास्थित आन्तरिक राजस्व कार्यालयले गत महिना ८० करोड आठ लाख ९९ हजार रुपियाँ राजस्व सङ्कलन गरेको छ । कार्यालयले चालु आर्थिक वर्ष २०८२/८३ को प्रथम छ महिनामा तीन अर्ब २७ करोड ९२ लाख ३२ हजार राजस्व सङ्कलन गरेको हो । यो अघिल्लो आवको सोही अवधिको तुलनामा आठ करोड ८६ लाख १० हजार रुपियाँले बढी हो ।
निर्वाचनले बढाउँदै इन्धन खपत
बजारमा पेट्रोलियम पदार्थको खपत बढ्न थालेको छ । आगामी फागुन २१ का लागि निर्धारित प्रतिनिधि सभाको निर्वाचन नजिकिँदै गर्दा डिजेल पेट्रोलको खपत बढ्न थालेको हो । चुनाव प्रसारप्रसारमा चारपाङ्ग्रे गाडी र मोटरसाइकलको प्रयोग बढ्दा पेट्रोलको खपत बढ्न थालेको नेपाल आयल निगमले जनाएको छ ।
चुनावी एजेन्डा मात्रै बन्ने सुनथराली विमानस्थल
कालीकोटका राजनीतिक दलले चुनावी एजेन्डाका रूपमा प्रयोग गर्दै आएको सुनथराली विमानस्थलमा अहिलेसम्म जहाज आउन सकेको छैन । २०४२ सालमा निर्माण सुरु भएको यस विमानस्थलको २०७९ मा कालोपत्रेको काम सम्पन्न भएको थियो ।
दलका एजेन्डा पर्यटन विकास
राणाशासनदेखि नै सुरु भएको नेपालको पर्यटन अहिले सबैभन्दा बढी लगानी भएको क्षेत्रका रूपमा उभिएको छ । बाह्य जगत्सँग नेपालको सम्बन्ध स्थापित भएसँगै सुरुवात भएको नेपालको पर्यटन उद्योग अहिले आर्थिक विकासको मेरुदण्डको अवस्थामा उभिएको छ ।
अमेरिका-भारत अन्तरिम व्यापार सम्झौताको घोषणा
संयुक्त राज्य अमेरिकाका राष्ट्रपति डोनाल्ड ट्रम्प र भारतका प्रधानमन्त्री नरेन्द्र मोदीले सन् २०२५ फेब्रुअरी मा सुरु गरेको अमेरिका-भारत द्विपक्षीय व्यापार सम्झौता (बिटीए) वार्तालाई अगाडि बढाउन अन्तरिम व्यापार सम्झौताको घोषणा गरेका छन् ।
निःशुल्क भिसा र टिकटको व्यवस्था खारेजीको गृहकार्य
श्रम, रोजगार तथा सामाजिक सुरक्षामन्त्री राजेन्द्रसिंह भण्डारीले खाडी र मलेसियामा निःशुल्क भिसा र टिकटको व्यवस्था कार्यान्वयन नभएको हुँदा यसलाई खारेज गर्नुपर्ने बताउनुभएको छ ।
भित्रियो सवा आठ अर्ब वैदेशिक लगानी
चालु आर्थिक वर्ष २०८२/८३ को छ महिनामा सवा आठ अर्ब रुपियाँ प्रत्यक्ष वैदेशिक लगानी (एफडिआई) भित्रिएको छ । नेपाल राष्ट्र बैङ्कको तथ्याङ्क अनुसार चालु आवको साउनदेखि पुससम्म आठ अर्ब १७ करोड रुपियाँ भित्रिएको हो । गत वर्ष सो अवधिमा छ अर्ब ४८ करोड रुपियाँ वैदेशिक लगानी भित्रिएको थियो ।
प्राविधिक र चिकित्सकको विवरण माग
कृषि तथा पशुपन्छी विकास मन्त्रालयले देशभर स्थानीय तहमा कार्यरत कृषि तथा पशु सेवा प्राविधिक र कृषि स्नातक/पशु चिकित्सकको यथार्थ विवरण उपलब्ध गराउन अनुुरोध गरेको छ ।
सुनचाँदीको मूल्यमा सामान्य गिरावट
नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य दुई लाख ९१ हजार र त्यति नै परिमाणको चाँदीको मूल्य रु चार हजार ७१० कायम भएको छ ।
यस्तो छ आजका लागि कृषिउपजको थोक मूल्य
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ ।
गीतसङ्गीतमा ‘सस्तो लोकप्रियता’ को मोह
सङ्गीत केवल श्रवण आनन्दको माध्यम मात्र नभई आत्मालाई झङ्कृत गर्ने गहन साधना हो । वास्तविक सङ्गीतले मानिसको अन्तस्करणलाई स्पर्श गर्नु पर्छ तर वर्तमान समयमा केही सिर्जनामा ‘आत्मारञ्जन’ भन्दा ‘सस्तो लोकप्रियता’ को मोह हाबी भएको देखिन्छ ।
अवैध बाटोबाट दुध र नौनी भारततिर
भारतमा दुधको मूल्यमा वृद्धि भएसँगै नेपाली सीमाक्षेत्रबाट चोरीको बाटो हुँदै दुध र नौनी भारत जाने गरेको छ । सीमाक्षेत्रमा रहेका चिस्यान केन्द्रले क्यानमार्फत खेताला लगाएर दुध भारततर्फ लैजाने गरेका हुन् ।
‘टेलिकम राज्यको डिजिटल मेरुदण्ड’
सार्वजनिक सेवा प्रवाहलाई आमजनतामाझ पु¥याउन नेपाल दूरसञ्चार कम्पनी लिमिटेड (नेपाल टेलिकम) को भूमिका महìवपूर्ण हुने गृहमन्त्री ओमप्रकाश अर्यालले बताउनुभएको छ । कम्पनीको २२ औँ वार्षिकोत्सवका अवसरमा बिहीबार आयोजित औपचारिक कार्यक्रममा टेलिकम राज्यको महत्वपूर्ण सहयोगी संस्था भएको उल्लेख गर्नुभयो । “टेलिकम दूरसञ्चार संस्था मात्र होइन,” उहाँले भन्नुभयो, “यो राज्यको डिजिटल मेरुदण्ड हो ।”
-original-thumb.jpg)
कोदोको उत्पादन घट्दै उपभोग र आयात बढ्दै
बजारमा पछिल्लो समय कोदोको उपभोग बढ्दै गए पनि उत्पादन भने बर्सेनि घट्दै गएको छ । स्वास्थ्यका लागि लाभदायक हुने हुँदा कोदोको उपभोग बढी हुन थालेको छ । बजारमा कोदोको खपत बढ्दै गए पनि उत्पादन भने घट्दै गएको तथ्याङ्कले देखाएको छ । कृषि तथा पशुपन्छी विकास मन्त्रालयको तथ्याङ्क अनुसार आर्थिक वर्ष २०८०/८१ मा दुई लाख २४ हजार ९३५ हेक्टर क्षेत्रफलमा तीन लाख ७३२ मेट्रि
कोटेश्वरस्थित भाटभटेनी भोलिदेखि सञ्चालनमा आउने
जेनजी आन्दोलनका क्रममा गत भदौ २४ गते तोडफोड लुटपाट र आगजनीमा परेको भाटभटेनी सुपरस्टोरको कोटेश्वर सुपरस्टोर शनिबारदेखि पुनः सञ्चालनमा आउने भएको छ । आगलागीबाट क्षतिग्रस्त भएका विभिन्न आफ्ना स्टोरमध्ये पहिलो चरणमा कोटेश्वर सुपरस्टोर पुनर्निर्माण गरी पुनः सञ्चालनमा ल्याउन लागेको कम्पनीले जनाएको छ । आन्दोलनका क्रममा भाटभाटेनीका १२ विभिन्न सुपरस्टोर क्षतिग्रस्त बनेका थिए ।
-original-thumb.jpg)
दुई दशकदेखि एउटै माग क्वारेन्टाइन जाँचचौकी चाहियो
चीनसँगको व्यापारिक नाका हिल्सामा क्वारेन्टाइन जाँचचौकी स्थापनाका लागि पहल गर्ने उम्मेदवारको प्रतिबद्धता करिब दुई दशकदेखि यथावत् छ । दल र उम्मेदवारले चुनावी प्रचारका बेला त्यसका लागि पहल गर्ने आश्वासन दिने तर निर्वाचित भएर गइसकेपछि बिर्सने भएका कारण यो मुद्दा अहिले पनि यथावत् रहेको हो ।
हिउँदे मकै छर्न ‘सिट ड्रिल’ प्रयोग
बर्दियामा परम्परागत खेती किसानी गर्दै आइरहेका कृषक केही वर्षयता प्रविधिमैत्री बन्दै जान थालेका छन् । परम्परागत रूपमा खेती गर्दा समय र लागत बढ्दै जाने तथा उत्पादनसमेत कम हुन थालेपछि बर्दियाका कृषक अहिले प्रविधितर्फ आकर्षित हुन थालेका हुन् । कृषिमा प्रविधिको प्रयोग बढ्दै जाँदा उत्पादनसमेत बढ्दै गएको देखिन्छ भने लागतसमेत कम हुँदै गएको छ ।
जलवायु परिवर्तनको असर : न्यूनीकरण अभ्यास घरखेतबाटै
नेपालको मौलिक अर्थतन्त्रको पर्याय मानिने कृषि प्रणालीमा जलवायु परिवर्तनको असर न्यूनीकरण तथा अनुकूलनको अभ्यास अब किसानले आफ्नो घरखेतबाटै गर्न सक्ने भएका छन् ।
'नेपाल टेलिकम राज्यको डिजिटल मेरुदण्ड हो'
गृहमन्त्री ओमप्रकाश अर्यालले नेपाल टेलिकम दूरसञ्चार सेवा प्रदायक मात्र नभई राज्यको डिजिटल मेरुदण्ड रहेको बताउनुभएको छ।
घरभाडा नतिर्ने आठ सहकारीलाई महानगरको सातदिने चेतावनी
आठ वटा सहकारी संस्थालाई सात दिनभित्र घरबहाल तिर्न समय दिँदै काठमाडौँ महानगरपालिकाले सार्वजनिक सूचना प्रकाशित गरेकाे छ।
सुनचाँदीको मूल्यमा सामान्य गिरावट
नेपाल सुनचाँदी व्यवसायी महासङ्घका अनुसार आज एक तोला छापावाल सुनको मूल्य दुई लाख ९५ हजार २०० र त्यति नै परिमाणको चाँदीको मूल्य रु चार हजार ९८० कायम भएको छ ।
यस्तो छ आजका लागि कृषिउपजको थोक मूल्य
कालीमाटी फलफूल तथा तरकारी बजार विकास समितिले आजका लागि कृषिउपजको थोक मूल्य निर्धारण गरेको छ ।
मनाइयो ‘शब–ए–बारात’ पर्व
इस्लाम धर्मावलम्बीले पवित्र पर्व ‘शब–ए–बारात’ बाँकेमा श्रद्धा र सामाजिक सद्भावका साथ मनाएका छन् । अरबी पात्रो अनुसार शाबान महिनाको १४ तारिखको राति मनाइने पर्वलाई आत्मशुद्धि, क्षमायाचना र अल्लाहप्रतिको समर्पणको रातका रूपमा लिइन्छ । मङ्गलबार राति मुस्लिम समुदाय मस्जिदमा भेला भई रातभर जाग्राम बसेर उक्त पर्वमा सहभागी भएका थिए । कुरान वाचन, सामूहिक नमाज र व्यक्तिगत प्रार्थनाले वातावरण आध्यात्मिक बनेको थियो ।
रेमिट्यान्सलाई उत्पादनशील क्षेत्रमा लगाउने नीति आवश्यक छ
विप्रेषण अर्थात् रेमिट्यान्सका माध्यमबाट आउने बाह्य आयले देशको अर्थतन्त्र चलायमान छ । चालु आर्थिक वर्षको छ महिनामा मात्र विप्रेषण आप्रवाह गत आवको सोही अवधिको तुलनामा ३९.१ प्रतिशतले बढेर १०६२ अर्ब ९३ करोड रुपियाँ पुगेको छ । अघिल्लो वर्षको सोही अवधिमा यो ४.२ प्रतिशतले मात्र बढेको थियो । २०८२ पुसमा मात्र विप्रेषण १९२ अर्ब ६२ करोड रुपियाँ रहेको छ ।
चीन र मलेसियाका उद्योगी रुपन्देहीमा लगानी गर्न इच्छुक
चीन र मलेसियाका उद्योगी तथा लगानीकर्ताले रुपन्देहीलाई केन्द्र बनाएर उद्योग सञ्चालन गर्न प्रविधि र आर्थिक लगानीका लागि आफूहरू तयार रहेको बताएका छन् । अन्तर्राष्ट्रिय विमानस्थल, कच्चा पदार्थ आपूर्तिको सहजता, अनुकूल तापक्रम, पर्याप्त जनशक्ति र ढुवानीको राम्रो पूर्वाधारका कारण रुपन्देहीबाट उत्पादन गरी भारत तथा युरोपेली मुलुकसम्म निर्यात गर्न ठुलो सम्भावना रहेको उनीहरूको निष्कर्ष छ ।
