• गोरखापत्र अनलाइन
• २९ भदौ २०८०, शुक्रबार

एकीकृत अनुसन्धान केन्द्र स्थापना

फक्ताङ्लुङ गाउँपालिकामा एकीकृत कृषि तथा पशुपन्छी अनुसन्धान केन्द्र स्थापना गरिएको छ। स्थानीय किसानलाई आधुनिक कृषि प्रणालीतर्फ उन्मुख गराउने उद्देश्यसहित गाउँपालिकाले अनुसन्धान केन्द्र स्थापना गरेको हो। रासायनिक मल तथा विषादीको बढ्दो प्रयोगले खेतीयोग्य जमिन तथा माटोको उर्वर शक्तिमा ह्रास आइरहेको अवस्थासमेतलाई दृष्टिगत गरी अनुसन्धान केन्द्र स्थापना गरिएको गाउँपालिकाका अध्यक्ष राजन लिम्बू (मुक्ति) ले बताउनुभयो। उहाँका अनुसार परम्परागत कृषि प्रणालीबाट आधुनिकतातर्फ उन्मुख गराई जीविकोपार्जनमा सहयोग पु¥याउने मुख्य उद्देश्य राखेर एकीकृत कृषि तथा पशुपन्छी अनुसन्धान केन्द्रको अवधारणा ल्याइएको हो।