कारागार व्यवस्थापन विधेयक : मौलिक हक र मानवअधिकारको दृष्टिले महत्वपूर्ण
कैदीबन्दीलाई प्रजनन अधिकारको व्यवस्थासहित ल्याइएको कारागार व्यवस्थापन विधेयक मौलिक हक र मानवअधिकारको सम्मानका दृष्टिले महत्वपूर्ण रहेको औँल्याइएको छ ।
प्रदेश नामकरणमा गोप्य मतदानको व्यवस्था गर्न माग
प्रदेश सभाका सांसद सर्वध्वज साँवाले प्रदेश नामकरणमा मत विभाजन हुँदा गोप्य मदतानको व्यवस्था गर्न माग गर्नुभएको छ । प्रदेश सभाको बैठकमा सांसद साँवाले नाम बारेमा पार्टीले एउटा डण्डा चलाउने र जनताले अर्को डण्डा चलाउने अवस्था रहेकाले ज्यान बचाउनै गाह्रो भएको बताउनुभयो ।
संविधानमाथि प्रहार हुने चुनावी एजेण्डा आएकोप्रति त्रिपाठीको आपत्ति
प्रतिनिधिसभा सांसद हृदयेश त्रिपाठीले आगामी चुनावमा संविधानमाथि नै प्रहार हुने गरी चुनावी मुद्दा वा नारा बनेको भन्दै आपत्ति जनाउनुभएको छ।
स्वास्थ्य बीमामा देखिएको समस्या तत्काल समाधान गर्न सांसद सङ्ग्रौलाको माग
नेपाली कांग्रेसकी सांसद डा. डिला संग्रौला (पन्त)ले स्वास्थ्य बीमा कार्यक्रममा देखिएको समस्या तत्काल समाधान गर्न सरकारसँग माग गर्नुभएको छ ।
एसपीपी कार्यान्वयन नगर्ने निर्णयबारे अमेरिकालाई जानकारी गराइएन : सांसद रावल
आइतबार प्रतिनिधिसभा बैठकको विशेष समयमा बोल्नुहुँदै सांसद रावलले एसपीपी सम्झौता कार्यान्वयन नगर्ने सरकारको निर्णय अमेरिकालाई जानकारी नगराइएको बताउनुभयो ।
प्रतिनिधिसभा शून्य समय : सङ्घीय चुनावको घोषणा गर्न माग
काठमाडौं, साउन ८ गते। प्रतिनिधिसभा सदस्य लालबाबु पण्डितले सङ्घ र प्रदेशको निर्वाचन मिति घोषणा गर्न सरकारसँग माग गर्नुभएको छ। आइतबार प्रतिनिधि सभा बैठकको शून्य समयमा बोल्दै पण्डितले संघीय चुनावको मिति घोषणा गर्न माग गर्नुभएको हो। उहाँले सरकारले निर्वाचनको मिति घोषणा गर्न ढिलाइ गरेको प्रति असन्तुष्टि व्यक्त गर्नुभएको छ। निर्वाचन नगरी गठबन्धन टिकाउनका लागि मिति घोषणा नगरेको आरोपसमेत उहाँको छ। ‘‘गठबन्धन सरकारले निर्वाचनको मिति घोषणा गर्न किन ढिलाइ गरिरहेको छ ? गठबन्धनको गाँठागुँठी नमिलेर हो कि ? चुनाव नगराउने मनसायले गठबन्धन लामो समय टिकाउनको निम्ति हो कि जनता जान्न चाहन्छन्। म सरकारसँग माग गर्न चाहन्छु’’, पण्डितले भन्नुभयो। बाल विकासको उचित व्यवस्थापन भएन : विद्या भट्टराई प्रतिनिधि सभा सदस्य विद्या भट्टराईले सरकारले बालविकासको उचित व्यवस्थापन गर्न नसकेको बताउनुभएको छ। उहाँले बालविकासमा कार्यरत सहयोगी कार्यकर्तालाई निर्धारित तलब सरकारले नदिएको भन्दै सरकारको ध्यानाकर्षण गराउनुभयो। उहाँले भन्नुभयो, ‘‘बाल विकासको उचित व्यवस्थापन सरकारले हालसम्म पनि गर्न सकेको छैन। २०७८÷७९ मा बाल विकासमा कार्यरत सहयोगी कार्यकर्ताको मासिक तलव न्यूनतम १५ हजार सरकारले निर्धारण गरे पनि हालसम्म निर्धारण गरे अनुसार उहाँहरुले तलब प्राप्त गर्नुभएको छैन। पाँच बजेसम्म काम गर्नुपर्ने अवस्था छ। बालविकासमा कार्यरत शिक्षक, कर्मचारी र सहयोगी कार्यकर्तामाथि राज्यले विभेद गरेको छ।’’प्रतिनिधिसभा सदस्य बिनाकुमारी श्रेष्ठले रुपन्देहीको तिलोत्तमा नगरपालिकास्थित सिद्धार्थ राजमार्गको ड्राइभर टोल खण्डमा सडकको किनारामा राखिएको बुद्ध मूर्ति तोडफोड गरिएको भन्दै निन्दा र भर्त्सना गर्नुभयो। उहाँले सो कार्य आपत्तिजनक भए पनि प्रशासन मौन बसेको भन्दै आपत्ति जनाउनुभएको हो। प्रतिनिधिसभा सदस्य बिनादेवी बुढाथोकीले राष्ट्रिय भूमि आयोगले काम, कारबाही सुस्त गरेको बताउनुभयो। उहाँले जग्गाको नापी भइसकेको स्थानमा जग्गा धनी पुर्जा वितरण गर्न सरकारको ध्यानाकर्षण गराउनुभयो।प्रतिनिधिसभा सदस्य विमला विश्वकर्माले मिर्गौला र क्यान्सर पीडितलाई मासिक पाँच हजार रुपैयाँ दिने प्रतिबद्धता कार्यान्वयन गर्न सरकारलाई ध्यानाकर्षण गराउनुभयो।प्रतिनिधिसभा सदस्य शान्ता चौधरीले मुक्त कमैया र मुक्त कमलरीको हालसम्म यथोचित पुनः स्थापना नभएको भन्दै पुनःस्थापना गर्न माग गर्नुभयो। उहाँले सरकार र मुक्त कमलरीबीच भएको दश बुँदे सहमति यथाशीघ्र कार्यान्वयन गर्न माग गर्नुभयो। प्रतिनिधिसभा सदस्य शेरबहादुर तामाङले नेपाली कांग्रेसको नेतृत्वको सरकारले वि.सं.२०४८ सालमा निजीकरण गरिएको उद्योग कस्तो अवस्थामा छ सो को संसदीय छानबिन समिति बनाएर छानबिन गर्न माग गर्नुभयो।प्रतिनिधिसभा सदस्य सत्य पहाडीले सामाजिक सुरक्षा भत्ता लिन पालिकाको केन्द्रसम्म जानुपर्ने अवस्था कतिपय ठाउँमा कठिन भएका कारण वडामै घुम्ती बैंकिङ सेवामार्फत दिने व्यवस्था मिलाउन सरकारको ध्यानाकर्षण गराउनुभयो।प्रतिनिधिसभा सदस्य समिना हुसेनले मधेस प्रदेशमा महिला हिंसा र हत्याको घटना बढेको उल्लेख गर्दै अपराधी र दोषीलाई कानुनी कारबाही गर्न माग गर्नुभयो।प्रतिनिधिसभा सदस्य हीरा गुरुङले द्वन्द्व पीडितको समस्या समाधान गर्न ठोस योजना ल्याउन सरकारसँग माग गर्नुभयो। उहाँले राजनीतिक परिवर्तन गर्न भूमिका खेल्ने द्वन्द्व पीडितको मन नदुखाउन पनि आग्रह गर्नुभयो।
प्रतिनिधिसभा बैठक सुरु
सङ्घीय संसद्अन्तर्गतको प्रतिनिधिसभा बैठक सुरु भएको छ । आइतबार दिउँसो १ बजेबाट सुरु भएको बैठकमा गृहमन्त्री बालकृष्ण खाणले ‘‘कारागार विधेयक, २०७८ लाई पारित गरियोस्’’ भनी प्रस्ताव प्रस्तुत गर्नुहुने छ ।
भुक्तानी रोकिएकोप्रति सदनबाट सरकारको ध्यानाकर्षण
सुदूरपश्चिम प्रदेश कोष तथा लेखा नियन्त्रक कार्यालयको ‘सर्भर डाउन’ भइ भुक्तानी रोकिएको विषयमा प्रदेश सदनमा कुरा उठेको छ । आर्थिक मसान्तमा ठूलो रकम भुक्तानी रोकिनु प्रदेशको लागि गम्भीर विषय रहेको भन्दै सभामुखमार्फत प्रदेश सरकारको ध्यानाकर्षण गराइएको छ ।
प्रतिनिधिसभा बैठकबाट नागरिकता विधेयक बहुमतले पारित
नेपाल नागरिकता (पहिलो संशोधन) विधेयक २०७९ संशोधनसहित बहुमतले पारित भएको छ।
नागरिकता विधेयक सहमतिमा पारित हुने गृहमन्त्रीको विश्वास
काठमाडौं, साउन ६ गते। गृहमन्त्री बालकृष्ण खाणले नागरिकता विधेयक पारित गर्न सिंगो सदनमा सहमति हुने विश्वास व्यक्त गर्नुभएको छ। शुक्रबार प्रतिनिधि सभाको बैठकमा नेपाल नागरिकता (पहिलो संशोधन) विधेयक २०७९ माथि संशोधन कर्ताले राखेका प्रश्नको जवाफ दिँदै उहाँले यस्तो बताउनुभएको हो। उहाँले संविधानमा राखेको प्रावधानलाई समेटेर नै नागरिकता विधेयक अघि बढाउन लागेको बताउनुभयो। गृहमन्त्री खाणले अहिले ल्याएको विधेयकको मुल आधारशीला नै नेपाली आमा र बुवा भएकाले नै नागरिकता पाउने गरेर नागरिकता (पहिलो संशोधन) विधेयक ल्याएको बताउनुभयो। उहाँले ऐन, विधेयक बनाउँदा सरकार र सदनलाई पनि संविधानको प्रावधानका बारेमा उभिएर जानुपर्ने उल्लेख गर्दै आगामी दिनमा पनि संशोधन गर्ने गरेर अघि बढ्नुपर्ने बताउनुभयो। गृहमन्त्री खाणले नागरिकता विधेयक सबैलाई आवश्यक रहेको उल्लेख गर्दै वैवाहिक अंगीकृतको लागि सबैले सहमति गरेर नागरिकताबिहीन नेपालीलाई नागरिकको अधिकार दिनुपर्ने बताउनुभयो। उहाँले नागरिकताका बारेमा समस्या समाधान गर्न सरकार छलफलका लागि तयार रहेको उल्लेख गर्नुभयो। गृहमन्त्री खाणले वैवाहिक अंगीकृतको ७ वर्षको प्रावधानका कारण नै नागरिक संशोधित विधेयक अघि बढ्न नसकेको भन्दै सबैले यसलाई संशोधन गर्ने प्रस्ताव फिर्ता गर्न आग्रह गर्नुभयो। नेपाल नागरिकता (पहिलो संशोधन) विधेयक २०७९ माथि ४५ जनाले ९४ बुँदामा संशोधित प्रस्ताव पेस गरेका थिए।
नागरिकता विधेयक फास्ट ट्याकबाट पारित गर्नु देशको हित विपरीत : सांसद सुवाल
नेपाल मजदुर किसान पार्टीका सांसद प्रेम सुवालले नागरिकता विधेयकलाई फास्ट ट्याकबाट पारित गर्नु देशको हितमा नभएको बताउनुभएको छ । शुक्रबारको प्रतिनिधिसभा बैठकमा बोल्नुहँदै सांसद सुवालले नागरिकता विधेयक फास्ट ट्याकबाट पारित गर्न खोज्नु देशको हितमा नभएको बताउनुभएको हो ।
वंशजको नागरिकता जन्मको आधारमा दिनु गलत : सांसद पौडेल
राष्ट्रिय जनमोर्चाकी उपाध्यक्ष एवम् प्रतिनिधिसभा सदस्य दुर्गा पौडेलले भारतमा चुनाव हारेर नेपालको सांसद हुने गरी नागरिकता वितरण गर्ने काम नगर्न सरकारको ध्यानाकर्षण गराउनुभएको छ ।
गोर्खा सैनिकलाई नेपाली नागरिकता प्राप्त गर्ने सुविधान दिनुपर्छ : सांसद दाहाल
नेकपा (एमाले) का सांसद कृष्णप्रसाद दाहालले बेलायतमा रहेका नेपाली गोर्खा सैनिकहरुलाई नेपाली नागरिकता प्राप्त गर्ने सुविधा दिनुपर्ने बताउनुभएको छ ।
प्रतिनिधिसभामा बैठक जारी
सरकारले पशे गरेको ‘‘नेपाल नागरिकता (पहिलो संशोधन) विधेयक, २०७९’’ छलफलमा छ । आजै विधेयकमाथि प्राप्त संशोधनहरुलाई निर्णयार्थ प्रस्तुत गर्ने कार्यसूची रहेको छ ।
एसपीपीबारे जानकारी गराउन सभामुखको रुलिङ
सभामुख अग्निप्रसाद सापकोटाले एसपीपीबारे सरकारको निर्णय र त्यसको कार्यान्वयन अवस्था सम्बन्धमा सदनलाई जानकारी गराउन रुलिङ गर्नुभएको छ । बिहीवार बसेको प्रतिनिधि सभा बैठकमा सत्तारूढ र प्रतिपक्षी सांसदहरूले एसपीपीको अवस्थाका विषयमा जानकारी माग गर्नुभएपछि सभामुख सापकोटाले सो रुलिङ गर्नुभएको हो ।
संसदीय विशेष समितिको समयावधि सात दिन थप
काठमाडौं, साउन ५ गते। संसदीय छानविन विशेष समितिको समयअवधि सात दिन थप गरिएको छ। बिहीबारको प्रतिनिधिसभाको बैठकले समितिको समयावधि सात दिन थप्ने निर्णय सर्वसम्मतले स्वीकृत गरेको हो। सभामुख अग्निप्रसाद सापकोटाले बिहीबार प्रतिनिधिसभा बैठकमा प्रतिनिधिसभा नियमावली २०७५ को नियम १७७ बमोजिम समितिको कार्यविधि थपसम्बन्धी प्रस्तावमा सात दिनका लागि थप गर्ने प्रस्ताव पेश गर्नुभएको थियो। सभामुखको समयावधि थप गर्ने प्रस्ताव बैठकले सहमति जनाएको थियो। रासस
राष्ट्रियतामाथि गम्भीर खतरा छ : नेता खनाल
नेकपा (एकीकृत समाजवादी) का सांसद एवम् पूर्व प्रधानमन्त्री झलनाथ खनालले मुलुकको राष्ट्रियतामाथि गम्भीर खतरा मडारिरहेको बताउनुभएको छ । बिहीवार प्रतिनिधि सभा बैठकमा बोल्दै उहाँले सो कुरा बताउनुभयो ।
फरक शीर्षकमा एसपीपी सम्झौता गर्ने तयारी भयो : सांसद गुरुङ
नेकपा (माओवादी केन्द्र) का सांसद देव गुरुङले सरकारले भित्रभित्रै एसपीपी सम्झौता गर्ने तयारी गरिरहेको आशङ्का गर्नुभएको छ ।
समयमा पाठ्यपुस्तक उपलब्ध गराउन नसक्नु लज्जास्पद : सांसद ज्ञवाली
सांसद ज्ञवालीले शैक्षिक सत्र सुरु भएको लामो समयसम्म पनि विद्यार्थीको पाठ्यपुस्तक पुर्याउन नसक्नु लज्जास्पद भएको बताउनुभयो ।
प्रतिनिधिसभा बैठक जारी
सङ्घीय संसदअन्तर्गतको प्रतिनिधिसभा बैठकमा सभामुखले संसदीय छानबिन विशेष समितिको कार्यावधि थपसम्बन्धी प्रस्ताव प्रस्तुत गर्नुहुने छ ।
ज्येष्ठ नागरिकको जिम्मेवारी स्थानीय सरकारले लिनुपर्छ : मन्त्री रेग्मी
महिला, बालबालिका तथा ज्येष्ठ नागरिकमन्त्री उमा रेग्मीले छोराछोरीले अपहेलना गरेका ज्येष्ठ नागरिकको पालनपोषण गर्ने जिम्मेवारी स्थानीय सरकारले लिनुपर्ने बताउनुभएको छ ।
ज्येष्ठ नागरिकको हितका लागि बन्यो कानुन
प्रतिनिधिसभा बैठकले ‘ज्येष्ठ नागरिक (पहिलो संशोधन) विधेयक, २०७५’ लाई सर्वसम्मतिले पारित गरेको छ । राष्ट्रियसभामा उत्पत्ति भएको सो विधेयक लामो समयपछि बुधबार प्रतिनिधिसभाले पारित गरेको हो । महिला बालबालिका तथा ज्येष्ठ नागरिकमन्त्री उमा रेग्मीले सो विधेयक प्रस्तुत गर्नुभएको थियो ।
पेट्रोल पदार्थ उत्खन्नबारे सदनलाई जानकारी गराउन सांसदको माग
राष्ट्रियसभाका सांसद दुर्गा गुरुङले कर्णाली प्रदेशमा रहेको पेट्रोल पदार्थ उत्खन्न गर्ने कामको जानकारी संसदलाई जानकारी गराउन माग गर्नुभएको छ । उहाँले पेट्रोलियम पदार्थ उत्खनन गर्न सम्बन्धित मन्त्रालयले प्राथमिकतामा राखेर काम गर्नुपर्ने बताउनुभयो ।
सैनिक विशेष अदालत सेनाको मुख्यालय परिसरभन्दा बाहिर सार्न माग
जनता समाजवादी पार्टी (जसपा) नेपालकी सांसाद रेनुका गुरुङले सैनिक विशेष अदालतलाई सेनाको मुख्यालय परिसर भन्दा बाहिर सार्न माग गर्नुभएको छ ।
प्रतिनिधिसभाबाट नेपाल इन्जिनियरिङ परिषद् (पहिलो संशोधन) पारित
राष्ट्रियसभाबाट पारित भएको ३० महिनापछि प्रतिनिधिसभाले बुधबार ‘‘नेपाल इन्जिनियरिङ परिषद् (पहिलो संशोधन) विधेयक, २०७६ लाई पारित गरेको हो ।
