दाङ – २ मा मतगणना सुरु
प्रतिनिधिसभा सदस्य निर्वाचन–२०८२ अन्तर्गत दाङ निर्वाचन क्षेत्र नम्बर २ मा मतगणना सुरु भएको छ । आज बिहान ९:३० बजेदेखि दाङ जिल्ला अदालतमा क्षेत्र नम्बर २ को मतगणना सुरु भएको हो ।
दाङ - १ मा रास्वपाका देवराज पाठकको फराकिलो अग्रता
दाङ निर्वाचन क्षेत्र नं १ मा जारी मतगणनाको ताजा परिणाम अनुसार राष्ट्रिय स्वतन्त्र पार्टीका उम्मेदवार देवराज पाठकले फराकिलो अग्रता बनाउनु भएको छ। हालसम्म ६ हजार ५११ मत गणना हुँदा २३१ मत बदर भएको छ। गणना अनुसार रास्वपाका पाठकले ३ हजार ९५९ मत प्राप्त गर्नुभएको छ।
रुपन्देही–२ मा सुलभ खरेलको अग्रता
रुपन्देही क्षेत्र नम्बर २ मा रास्वपाका सुलभ खरेलले अग्रतालाई फराकिलो बनाउँदै लग्नुभएको छ । १० हजार ६२९ मत गणना गर्दा खरेलले सात हजार १५१ मत ल्याउनुभएको छ ।
बैतडीमा १२ बजेपछि मात्र मतगणना हुने
जिल्लाका २१५ मतदान केन्द्रमा भएको ४३८ वटा मतपेटीका रातिभरीमा सदरमुकाम आईपुगेपछि शुक्रबार ११ बजे सर्वदलीय बैठक गरी मतगणना गर्ने तयारी भएको छ । सर्वदलीय बैठक आह्वान गरी ११ बजेपछि मतगणना हुने मुख्य निर्वाचन अधिकतृ तीर्थराज भट्टले बताउनुभयो ।
मतदानमा खेलकर्मीको सक्रिय सहभागिता
देशमा नयाँ नेतृत्वका लागि बिहीबार भएको प्रतिनिधि सभाको निर्वाचनमा सर्वसाधारणसहित विभिन्न क्षेत्रका व्यक्तिले सक्रियताका सहभागिता जनाए । जसमा खेलकर्मी पनि पछाडि पर्ने कुरै भएन । नेपाली खेलकर्मीले पनि देश निर्माण, परिवर्तन र समृद्धिको आशामा उत्साहजनक रूपमा निर्वाचनमा भाग लिएका छन् । नेपाल क्रिकेट सङ्घका सचिव पारस खड्काले मत दिएर देशको विकासका निम्ति आफ्नो कर्तव्य पूरा गरेको बताउनुभयो । काठमाडौँ क्षेत्र नं. १ अन्तर्गत बुद्धनगरको काठमाडौँ स्वप्न वाटिका एसएस एन्ड कलेज पुगेर सचिव खड्काले मतदान गर्नुभएको हो । उहाँले भन्नुभयो, “अब जो आए पनि स्थिर सरकार होस् भन्ने आशा गरेको छु । उहाँहरूलाई पाँच वर्षसम्म बिनाअवरोध काम गर्ने वातावरण बनोस्, त्यही कामना गर्दछु ।”
तनहुँ जलविद्युत् आयोजनाद्वारा बयानब्बे योजना सम्पन्न
तनहुँको ऋषिङ गाउँपालिका–१, झापुटारमा निर्माणाधीन १४० मेगावाट क्षमताको तनहुँ जलविद्युत् आयोजनामार्फत ९२ वटा योजना सम्पन्न भएका छन् । आयोजनाको प्रभावित क्षेत्रमा सामुदायिक उत्तरदायित्व अन्तर्गत ९२ योजना सम्पन्न भएका हुन् भने आठ वटा सञ्चालनमा आएका छन् ।
कामदार र परिवारमा मनोवैज्ञानिक त्रास
बागलुङ घर भई हाल छोराछोरीसहित काठमाडौँ बस्दै आएकी प्रमिला पौडेल गत शनिबारदेखि मनोवैज्ञानिक रूपमा त्रसित हुनुहुन्छ । श्रीमान् वैदेशिक रोजगारीका सिलसिलामा हाल कुवेतमा कार्यरत रहेको र त्यहाँ अमेरिका तथा इजरायलले इरानमाथि गरेको सैन्य हमलापछि इरानले पनि गरेको जवाफी हमलाले उहाँलाई त्रसित बनाएको हो ।
एक हजार आठ सय यात्रु बाहिरिए
प्रतिनिधि सभा सदस्य निर्वाचनका दिन देशबाट एक हजारभन्दा बढी यात्रु बाहिरिएका छन् । त्रिभुवन अन्तर्राष्ट्रिय विमानस्थल कार्यालयका अनुसार बिहीबार मतदानका दिन स्वदेशी र विदेशी गरी एक हजार ८३५ यात्रु बाहिरिएका हुन् ।
चीनले घटायो आर्थिक वृद्धिदरको लक्ष्य
चीनले घरेलु अर्थतन्त्रमा देखिएको मन्दी, अन्तर्राष्ट्रिय अनिश्चितता र भूराजनीतिक जोखिमबिच सन् २०२६ का लागि आर्थिक वृद्धिको लक्ष्य ४.५ देखि पाँच प्रतिशतसम्ममा सीमित राख्ने घोषणा गरेको छ । यसले आर्थिक नीतिमा तीव्र परिवर्तनभन्दा निरन्तरतामै जोड दिने सङ्केत पनि दिएको छ ।
भारत र अमेरिकाद्वारा बधाई ज्ञापन
नेपालमा बिहीबार सफलतापूर्वक प्रतिनिधि सभा सदस्य निर्वाचन सम्पन्न भएकोमा छिमेकी भारत सरकाले खुसी व्यक्त गर्दै बधाई दिएको छ । नेपालमा निर्वाचनसम्बन्धी मिडियाका प्रश्नको जवाफमा भारतीय विदेश मन्त्रालयका प्रवक्ता रणधीर जयसवालले भारत सरकारका तर्फबाट खुसी व्यक्त गर्नुभएको हो । उहाँको भनाइ उधृत गर्दै नेपालस्थित भारतीय दूतावासले सार्वजनिक गरेको वक्तव्यमा भनिएको छ, “हामी आज नेपाली नागरिकले गरेको चुनावको सफल सञ्चालन र आफ्नो लोकतान्त्रिक जनादेशको प्रयोगको स्वागत गर्दछौँ, जसमा उत्साहजनक सहभागिता देखिएको छ ।”
मतदानमा ज्येष्ठ नागरिकको उत्साह
नवयुवा पुस्ताको आन्दोलनको जगमा भएको प्रतिनिधि सभा सदस्य निर्वाचनमा दोस्रो विश्वयुद्धताका जन्मिएका मतदाताले समेत मतदान गरेका छन् । जसलाई सबैभन्दा ठुलो पुस्ता (ग्रेटेस्ट जेनेरेसन) पनि भनिन्छ । दोस्रो विश्वयुद्ध सन् १९३९ मा सुरु भई १९४४/०४५ सम्म चलेको हो । पश्चिममा अछाम र कञ्चनपुरदेखि कोशीको उदयपुरमा शताब्दी उमेर पार गरेका मतदाताले मतदान गरेका छन् ।
मतदान प्रतिशत स्वाभाविक
देशैभर भएको प्रतिनिधि सभा निर्वाचन उत्साहजनक भए पनि अपेक्षा गरेभन्दा केही कम मत खसेको छ । २०७९ सालको निर्वाचनपछि तीन वर्षमा भएको निर्वाचनमा प्रारम्भिक चरणमा कुल ६० प्रतिशत मात्रै मत खसेको हो ।
नयाँ मतदाताले खोजे परिवर्तन
प्रतिनिधि सभा सदस्य निर्वाचनमा बिहीबार पहिलो पटक मतदानमा सहभागी नयाँ मतदातामा सुनौलो उत्साह देखियो । गत भदौ २३ र २४ को जेनजी आन्दोलनको मर्म अनुसार भएको निर्वाचनमा नयाँ मतदाताले उत्साहपूर्वक सहभागिता जनाए ।
आठ जिल्लाको मतपेटिका ढुवानी हेलिकप्टरबाट
आठ जिल्लाको मतपेटिका हेलिकप्टरबाट ढुवानी गरिएको छ ।
इलाममा खस्यो ५७ प्रतिशत मत
यस पटकको निर्वाचन इलाममा शान्तिपूर्ण ढंगले सम्पन्न भएको छ । यस निर्वाचनमा जिल्लामा ५७ प्रतिशत मत खसेको छ ।
कैलाली १ मा ५० दशमलव ५५ प्रतिशत मत खस्यो
कैलाली क्षेत्र नम्बर १ मा ५० दशमलव ५५ प्रतिशत मत खसेको छ । निर्वाचन अधिकृत देवराज भारतीका अनुसार यस क्षेत्रमा ५४ हजार ८४४ मत खसेको हो ।
धादिङमा ७१ कैदीबन्दीद्वारा मतदान
कारागार कार्यालय धादिङमा ७१ जना कैदीबन्दीले मतदान गरेका छन् । कारागार कार्यालय धादिङ अस्थायी मतदान केन्द्रका मतदान अधिकृत टेकप्रसाद कँडुवालका अनुसार २६४ कैदीबन्दीमध्ये ७१ जना कैदीबन्दीले मतदान गरेका हुन् ।
-original-thumb.jpg)
सल्यानमा ३७ प्रतिशत बढी मतदान, सबैभन्दा बढी सिद्धकुमाखमा
सल्यानमा हालसम्म ३७ प्रतिशत बढी मतदान भएको छ ।
-original-thumb.jpg)
ताप्लेजुङमा ४७ प्रतिशत मत खस्यो
ताप्लेजुङमा बिहीबार दिउँसो ३ः३० बजेसम्ममा ४७ प्रतिशत मत खसेको हो ।
दाङमा एक लाख ९६ हजार ३ मत खस्यो
प्रतिनिधिसभा सदस्य निर्वाचन अन्तर्गत दाङ जिल्लामा करिब दुई लाख मत खसेको छ ।
किरिया बसेका दिपेन्द्र रानाले गर्नुभयो मतदान
प्रतिनिधि सभा सदस्यको लागि बागलुङको काठेखोला गाउँपालिका–३, धम्जा निवासी किरियापुत्री दिपेन्द्र रानाले मतदान गर्नुभएको छ ।
बर्दियामा ४३ प्रतिशत मत खस्यो, मतदान जारी
प्रतिनिधिसभा निर्वाचनको क्रममा बर्दियामा २ बजेसम्म ४३ प्रतिशत मतदान भएको छ । दिउँसो २ बजेसम्म कुल मतदातामध्ये बर्दियामा ४३ प्रतिशत मतदान भएको प्रमुख जिल्ला अधिकारी गोगनबहादुर हमालले बताउनुभयो ।
कैलालीमा ३२ प्रतिशत मत खस्यो
कैलालीमा मतदान सुरु भएको ६ घण्टामा एक लाख ७५ हजार ७३५ मत खसेको छ । जिल्ला प्रशासन कार्यालयका अनुसार दिउँसो १ बजेसम्म सो सङ्ख्यामा मत खसेको हो ।
कावा प्रमुख डङ्गोलले गर्नुभयो मतदान
काठमाडौँ महानगरपालिकाकी कार्यबाहक मेयर (कावा प्रमुख) सुनिता डङ्गोलले फसिगा मतदान केन्द्रमा पुगेर मतदान गर्नुभएको छ । डंगोलले काठमाडौं महानगरपालिकास्थित वडा नम्बर २१ को फसिगा लगनटोल मतदान केन्द्रमा विहान ९ बजे मतदान गर्नुभएको हो ।
भोजपुर जिल्ला कारागारमा मतदान
जिल्ला कारागार भोजपुरमा शतप्रतिशत मतदान भएको छ । ४६ जना मतदाता रहेको कारागारमा ४६ जनाले नै मतदान गरेका छन् । जिल्ला निर्वाचन कार्यालय भोजपुरका प्रमुख डिकेन्द्र सुवेदीका अनुसार मतदान शान्तिपूर्ण रुपमा सम्पन्न भएको छ ।
.jpg)