आशा जगाउँदै कालीगण्डकी काेरिडोर
नेपाल, चीन र भारत जोड्ने कालीगण्डकी काेरिडोरको स्तरोन्नतिको काम तिब्र पारिएको छ । ४३५ किलोमिटर लम्बाइ रहेको यो राजमार्ग त्रिदेशीय व्यापारिक राजमार्ग हो । दक्षिणमा भारतको सिमा सुनौलीदेखि उत्तरमा चीनको सिमा कोरालासम्म यो सडक जोडिएको छ ।
बर्थिङ सेन्टरले गर्भवती महिलालाई राहत
जिल्लाको निसीखोला गाउँपालिका–२ अर्नाकोटमा सामुदायिक स्वास्थ्य केन्द्रमा सञ्चालित बर्थिङ सेन्टरले ग्रामीण भेगका महिलाले प्रसूतिको बेला पाउने दुःख कम भएको छ ।
बसाइसराई रोक्न कृषि विकास रणनीति बनाउँदै वालिङ
स्याङ्जाको वालिङ नगरपालिकाले दीर्घकालिन कृषि विकास योजना र रणनीति बनाउन सुरु गरेको छ ।
विद्यालय भवनमा प्रहरी कार्यालय
कोठाहरू चर्किएका छन् । भित्ताका लाप्रा उक्किएका छन् । टिनको छानो चुहिने छ । तैपनि लमजुङको सुन्दरबजारस्थित आदर्श बाल माध्यमिक विद्यालयको पुरानो भवनमा पाँच बर्षदेखि प्रहरी कार्यालय सञ्चालन हुँदै आएको छ ।
बससँग मोटरसाइकल ठोक्किँदा चालकको मृत्यु
म्याग्दीको अन्नपूर्ण गाउँपालिका ३ दानामा बससँग मोटरसाइकल ठोक्किँदा मोटरसाइकल चालकको मृत्यु भएको छ ।
‘संविधान र व्यवस्थालाई दोष दिनु हुँदैन’
गण्डकी प्रदेशका मुख्यमन्त्री सुरेन्द्रराज पाण्डेले कुनै व्यक्ति र दलले गरेको गल्तीका कारण संविधान र व्यवस्थालाई दोष दिन नहुने बताउनुभएको छ ।
सुकुम्वासीको समस्या समाधान गरिने
मुस्ताङका भूमिहीन सुकुम्वासीलाई दुई वर्षभित्र लालपुर्जा वितरण गर्ने गरी भूमि समस्या समाधान आयोग मुस्ताङले पालिकास्तरीय अभिमुखीकरण तालिम सञ्चालन गरेको छ ।
सञ्चार माध्यममा महिलाको अर्थपूर्ण सहभागिता आवश्यक छ: उपसभामुख राना
काठमाडौँ, वैशाख २९ गते । उपसभामुख इन्दिरा रानाले सञ्चार माध्यममा पत्रकार महिलाहरूको अर्थपूर्ण सहभागितामा जोड दिनुभएको छ । इनिसिएटिभ्स अफ मिडिया वुमन नेपालले बङ्गलादेशस्थित नेपाली दूतावास र संयुक्त परिषद् सँगको सहकार्यमा ढाकामा आयोजना गरेको कार्यक्रममा बोल्दै रानाले सञ्चार माध्यमहरूमा पत्रकार महिलाहरूले हस्तक्षेपकारी भूमिका खेल्नुपर्ने कुरामा जोड दिनुभएको हो । ‘मिडियामा महिलाहरूको अर्थपूर्ण सहभागिता देखिन सकेको छैन।’, उहाँले भन्नुभयो ‘पत्रकार महिला माथि बाधा पुर्याउने संरचनात्मक र सामाजिक अवरोधहरू छिचोलेर अगाडी बढ्नुपर्छ ।’राजनैतिक र सामाजिक कार्यकर्ताको रूपमा काम गर्दाका आफ्ना अनुभवहरू सुनाउँदै उपसभामुख रानाले पत्रकारहरूले सामना गरिरहेका अवरोधहरू हटाउन र सञ्चार माध्यमलाई समावेशी र महिलामैत्री बनाउन ठोस प्रयासहरूको आवश्यकतालाई जोड दिनुभयो । नेपाल र बङ्गलादेशका पत्रकार महिलाहरू बिचको मित्रता र सहयोगको प्रवर्धन गर्ने उद्देश्यले आयोजित उक्त कार्यक्रममा बङ्गलादेशका लागि नेपालका राजदूत घनश्याम भण्डारीले नेपाल र बङ्गलादेशका पत्रकार महिलाहरूका धेरै साझा समस्याको मन्थन गर्ने अवसर देखिएकोले समस्या समाधानका लागि आवाज उठ्ने विश्वास व्यक्त गर्नुभयो । कार्यक्रममा इनिसिएटिभ्स अफ मिडिया वुमन नेपालकी अध्यक्ष लक्ष्मी भण्डारीले मिडिया क्षेत्रमा महिलाहरूलाई व्यावसायिक बनाउन पेशेवरहरूलाई सशक्त बनाउन प्रयास गरिरहेको बताउनुभयो । कार्यक्रम दुई देशका पत्रकारहरू बिच दीर्घकालीन मित्रतालाई बढाउँदै भविष्यमा आउने साझा चुनौतीहरू सामना गर्न सहकार्य र अर्थपूर्ण साझेदारीका प्रयासहरूको खोजी गर्न सफल भएको ढाका स्थित नेपाली दूतावासले विज्ञप्ति मार्फत जानकारी दिएको छ ।
पर्यटक लोभ्याउने मुस्ताङको ‘ढुम्बाताल’
नीलगिरि हिमालको फेदैमा घरपझोङ–५ सम्लेस्थित ढुम्बाताल आन्तरिक तथा बाह्य पर्यटकका लागि आकर्षणको केन्द्र बनेको छ । समुन्द्री सतहदेखि दुई हजार ८३० मिटरको अग्लो उचाइमा अवस्थित ढुम्बाताल पछिल्लो समय पर्यटकीय गन्तव्यका रुपमा विकास हुन थालेको हो ।
काठेखोला गाउँपालिकाको घर भाडामै ६० लाख खर्च
बागलुङ, वैशाख २९ गते । यहाँको काठेखोला गाउँपालिका स्थापनाको नौ वर्षसम्म भाडाकै घरमा छ । जिल्लाको १० स्थानीय तहमध्ये जग्गाको समेत टुङ्गो नलागेको काठेखोला गाउँपालिकाले हालसम्म भाडाकै घरबाट सेवा दिँदै आएको छ । मासिक ६० हजारका दरले भाडा दिँदै आएको पालिकाले स्थापनाकालदेखि ६० लाख रुपैयाँ भाडामा खर्चेको छ । लामो समय हुँदासमेत पालिकाको आफ्नै भवन निर्माण नहुँदा स्थानीयले पालिकाप्रति प्रश्न गर्दै आएका छन् । जिल्लाका सात पालिकाको आफ्नै भवन छभने दुई पालिकाको भवन निर्माणको चरणमा छन् । तर काठेखोला गाउँपालिकाले स्थापनाकालदेखि प्रशासकीय भवन निर्माणमा आवश्यक जग्गाको खोजी गरे पनि हालसम्म टुङ्गो लगाउन नसकेको हो । गाउँपालिकाका निर्वाचित जनप्रतिनिधिहरुको दोस्रो कार्यकालमा आउँदासमेत पालिकाको भवन निर्माण नहुनु दुःखद भएको काठेखोला गाउँपालिका–२ अछेतेका स्थानीय गणेशबहादुर भण्डारीले बताउनुभयो । उहाँले गाउँपालिकाले नौ वर्षसम्म जग्गा र भवनको टुङ्गो लगाउन नसकेको बताउनुभयो । “जबसम्म गाउँपालिकाले पायक पर्ने स्थानमा भवन बनाउन सक्दैन, हामी नागरिकले प्रश्न गर्न छाड्दैनौँ, जिल्लाका अन्य पालिका आफ्नो भवनबाट सेवा दिइसक्दा समेत काठेखोला गाउँपालिका अझै भाडाकै घरमा छ”, भण्डारीले भन्नुभयो, “गाउँपालिकालाई स्थानीयले देखाएको जग्गामा भवन बनाउन कस्ले रोक्यो, अछेते बजार नजिकै भवन बनाउँदा सबैलाई पायक पर्दछ, सामुदायिक वनमा भवन बनाउने कुरा थियो, अहिलेसम्म पालिका निर्णयमा नपुग्दा नागरिकलाई सेवा प्रवाहमा समस्या भएको छ ।” गलकोट र जैमिनी नगरपालिकाको भवन निर्माणाधीन अवस्थामा छ । गत फागुनदेखि ढोरपाटन नगरपालिकाले आफ्नै भवनबाट प्रवाह गर्न थालेको छ । काठेखोलाको प्रशासनिक केन्द्रको विवाद सात वर्षपछि टुङ्गोमा पुगे पनि पुनः मुद्दा परेर विवाद बढेको थियो । नौ वर्षदेखि प्रशासनिक भवन निर्माणका विषयमा कार्यपालिका बैठकमा धेरै पटक छलफल भए पनि त्यसले सार्थकता पाएको छैन । अघिल्लो पटक कार्यपालिकाको बैठकले वडा नं ६ को सामबोट सामुदायिक वनको जग्गामा भवन निर्माण गर्ने निर्णय गरेको थियो । सामबोटमा भवन बनाउन कार्यपालिका बैठकले निर्णय गरी १३औँ गाउँसभाबाट पारित गरेर रु एक करोड रकम विनियोजन गरे पनि सामुदायिक वनमा भवन बनाउन स्थानीयले अवरोध गरेको गाउँपालिकाका अध्यक्ष राजु थापाले जानकारी दिनुभयो । बिहुँकोट सुलडाँडामा भाडाको घरबाट सेवा दिँदै आएको पालिकाले आगमी आर्थिक वर्ष भाडा तिर्न नपर्नेगरी विद्यालयको भवनमा सर्ने योजना बनाएको अध्यक्ष थापाले बताउनुभयो । भीमसेन माध्यमिक विद्यालयको भवनबाट साउनदेखि गाउँपालिकाले सेवा दिनेगरी अहिले भवन फर्निसिङको काम गरिरहेको बताउनुभयो । जिल्ला सदरमुकाम बागलुङ बजारसँग जोडिएको यो गाउँपालिका अन्य पालिकाभन्दा सुगममा पर्छ । दुर्गमका पालिकाहरुले आफ्नै भवन निर्माण गरेर काम सुरु गरिसक्दा काठेखोलाको जग्गा तथा भवन अझै टुङ्गो लगाउन सकेको छैन ।त्यहाँका केही स्थानीयले सुलडाँडा र केहीले अक्षतेमा केन्द्र राख्ने विषयमा स्थानीयबीच विवाद भइरहेको छ । वडा नं १, २, ३ र ४ ले अक्षते तथा वडा नं ५, ६, ७ र ८ ले हाल कार्यालय सञ्चालन हुँदै आएको सुलडाँडामै प्रशासनिक भवन बनाउने अडान राख्नाले भवन निर्माणमा ढिलाइ भएको हो ।
-original-thumb.jpg)
धौलागिरिको शिखरमा एकैपटक पुगे १३ आरोही
म्याग्दीको धलागिरि गाउँपालिका ४ स्थित आठ हजार एकसय ६७ मिटर अग्लो धौलागिरि हिमालको चुचुरोमा शनिबार स्वदेशी र विदेशी गरेर एकैपटक १३ आरोही पुगेका छन्।
प्रदेश सभाको अधिवेशन आह्वान
बागमती प्रदेश सभाको सोह्रौँ अधिवेशन आह्वान गरिएको छ। आगामी जेठ ५ गते सोमबारका लागि अधिवेशन आह्वान गरिएको हो।
विधान र व्यवस्थालाई दोष दिनु हुँदैन : मुख्यमन्त्री पाण्डे
गण्डकी प्रदेशका मुख्यमन्त्री सुरेन्द्रराज पाण्डेले कुनै व्यक्ति र दलले गरेको गल्तीका कारण संविधान र व्यवस्थालाई दोष दिन नहुने बताउनुभएको छ ।
म्याग्दी जिल्ला पूर्णखोप सुनिश्चितता र दिगोपना घोषणा
म्याग्दी जिल्लाभित्रका सबै स्थानीय तह पूर्णखोप सुनिश्चितता र दिगोपना घोषण भएसँगै आइतबार म्याग्दी जिल्लालाई नै पूर्णखोप सुनिश्चितता र दिगोपना घोषणा गरिएको छ।
आमाको निधनपछि लालाबालाको बिचल्ली
चुहिने जस्ताले छाएको पुरानो ढल्केको घर छ । खरको चुहिने पालीमा त्रिपालको भरमा । सात छोरी र चार छोरासहित एघार सन्तानकी आमाको निधन भएपछि विहान बेलुका छाक टार्नै मुस्किलमा छन् सहाराविनाका बालबालिका ।
बसपार्क बन्यो तर उपयोग भएन
पर्वत सदरमुकाम कुश्मामा रहेको अत्याधुनिक बसपार्क निर्माण सम्पन्न भएको लामो समयसम्म उपयोग हुन सकेको छैन । उपयोगविहीन भएसँगै सुविधा सम्पन्न बसपार्क जीर्ण बन्दै गएको छ ।
ट्रयाक खुलेको दुई दशकपछि गणेशघुम्ती–निरयघाट सडक कालोपत्र
बागलुङ नगरपालिका १ को गणेशघुम्तीदेखि निरयघाट जोड्ने एक किलोमिटर ६ सय मिटर सडक कालोपत्र गर्ने कार्य सुरु भएको छ ।
मध्यपहाडी लोकमार्गको ग्याग्दी खोलाकाे पुल निर्माणमा ढिलाइ
पूर्व–पश्चिम मध्यपहाडी लोकमार्ग अन्तर्गत लमजुङको सुन्दरबजार सडक खण्डमा पर्ने ग्याग्दी खोलामा पुल निर्माण कार्य ढिलाइ भएको छ ।
जमेको बरफ पग्लिएन तिलिचो
मनाङ, वैशाख २८ गते । मनाङको ङिस्याङ गाउँपालिकामा अवस्थित तिलिचो ताल । वैशाख महिना सकिन लाग्दा पनि तालमा जमेको बरफ पग्लिएको छैन । समुद्री सतहदेखि चार हजार ९१९ मिटर उचाइमा अवस्थित यो तालले चार दशमलव आठ किलो मिटर क्षेत्रफल ओगटेको छ । तस्बिरः रासस
प्राचीनता र मौलिकताको संरक्षण
तनहुँस्थित पर्यटकीय नगरी बन्दीपुरको प्राचीनता र मौलिकतालाई जगेर्ना गर्ने काम अघि बढाइएको छ । यसका लागि बन्दीपुर गाउँपालिकाद्वारा बन्दीपुर नगरीलाई ‘संरक्षित क्षेत्र’ घोषणा गरिएको छ । संरक्षित क्षेत्रमा आधुनिक घर बनाउन, होर्डिङ बोर्ड राख्न प्रतिबन्ध लगाइएको छ भने मठमन्दिर तथा पुराना परम्परागत घरको संरक्षण तथा संवर्धन गरिएको छ ।
पोखराबाट अन्य सहरमा उडान गर्न पहल
पोखरा अन्तर्राष्ट्रिय विमानस्थलबाट देशका विभिन्न सहरमा सिधा हवाई सेवा सञ्चालनको सम्भावनाबारे छलफल भएको छ । पोखरा महानगरपालिकाको पहलमा संस्कृति पर्यटन तथा नागरिक उड्डयनमन्त्री बद्रीप्रसाद पाण्डे, पोखरा महानगरपालिकाका प्रमुख धनराज आचार्य, नेपाल नागरिक उड्डयन प्राधिकरणका महानिर्देशक प्रदीप अधिकारी र निजी क्षेत्रका हवाई सेवाप्रदायक आन्तरिक उडान कम्पनीका अधिकारीबिच सो विषयमा छलफल भएको हो ।
स्याउको बगैँचा बनाउने योजना
निसीखोला गाउँपालिका–५ को निसेलढोर कृषि उत्पादनका लागि उर्वर भूमिका साथै प्राकृतिक रूपले मनमोहक उपत्यका हो । पर्यटकका लागि आकर्षक गन्तव्यका रूपमा रहेको निसेलढोरमा अत्यधिक जाडो बढेपछि यहाँका बासिन्दा बेँसी अर्थात् निसी झर्छन् । अन्य समय निसेलढोरमै बसेर आलुखेती गर्छन् ।
‘आमनागरिकको पहुँचमा रहेर काम गरेका छौँ’
पोखरा गण्डकी प्रदेशको राजधानी मात्र नभई मुलुकको प्रमुख पर्यटकीय स्थल पनि हो ।
पर्यटन व्यवसायमा उत्साह
लामो प्रतीक्षापछि निर्माण भएको पोखराको क्षेत्रीय अन्तर्राष्ट्रिय विमानस्थलबाट हवाई उडान सुरु भएपछि पोखरेली जनतामा पोखराबाटै अन्तर्राष्ट्रिय उडान हुने आशा पलाएको छ ।
जलविद्युतमा समृद्ध गण्डकी
जलस्रोतका क्षेत्रमा गण्डकी प्रदेश निकै सम्पन्न भएका कारण आर्थिक विकास र समृद्धिको आधार जलस्रोतलाई मान्न सकिन्छ ।
