• ६ असार २०८१, बिहिबार

धनगढीमा २९ वर्ष यताकै धेरै गर्मी : तापक्रम ४४ डिग्री नाघ्‍यो

blog

गर्मी बढेपछि सुनसान बनेको धनगढीको सडक । तस्बिरः भावना जोशी

भावना जोशी 

अत्तरिया जेठ १७  गते। कैलाली जिल्लाको धनगढी उपमहानगरमा तापक्रम ४४.१  डिग्री सेल्सियस नाघेको छ।  

जल तथा मौसमविज्ञान विभाग अन्तर्गतको महाकाली बेसिन फिल्ड कार्यालय अत्तरियाका अनुसार बुधबार मापन गरिएको रेकर्ड ब्रेक गर्दै बिहीबार ४४.१ डिग्री सेल्सियस मापन गरिएको छ। 

कार्यालयका मौसमविज्ञान सहायक सिंगल चौधरीले दिउँसो मापन गरिएको रेकर्डअनुसार बुधबार ४३.३६ डिग्री सेल्सियसको रेकर्ड थियो।  बिहीबार ४४ डिग्री नाघेको बताउनुभयो । मंगलबार ४२ डिग्री सेल्सियस मापन भएको तापक्रम, बुधबार ४३.३६ डिग्री र बिहीबार (आज) ४४ दशमलव १ डिग्री मापन भएको छ। 

मौसमविज्ञान विभागको फिल्ड कार्यालय अत्तरियाका मौसम विज्ञान सहायक सिंगल चौधरीले १९९५ पछि, बिहीबार बढी तापक्रम मापन भएको जानकारी दिनुभयो। 

उहाँले सन १९९५ जूनमा धनगढीको तापक्रम ४६ दशमलव ४ मापन भएको थियो। बुधबार २९ वर्षपछि उच्च तापक्रम मापन भएको हो।